منتديات غزل وحنين

أهلا ومرحبا بك


عزيزى الزائر


فى منتديات غزل وحنين
منتديات غزل وحنين

غـــــزل وحـنـيـن


منتديات غـــــزل والــحـنـيـن ترحب بـــكم وتتمنى لكم قضاء أسعد وأجمل الاوقات سعداء بتواجدك العطر معنا




المواضيع الأخيرة

flag counter

free counters

تبادل اعلانى

منتديات البرنس هيما للبرامج الكامله

    اليك واليكى والى من لايهمه الامر؟؟؟؟؟؟

    شاطر
    avatar
    احمد عز
    عضو جديد
    عضو جديد


    ذكر
    عدد المساهمات : 2
    نقاط : 6
    تاريخ التسجيل : 19/05/2010
    العمر : 38
    المزاج : رايق

    حصرى اليك واليكى والى من لايهمه الامر؟؟؟؟؟؟

    مُساهمة من طرف احمد عز في الإثنين سبتمبر 20, 2010 11:04 am

    مش شغلك، يا سيدي مالكش دعوة، يعني وانت مالك مثلا هو مال ابوك، هي الدنيا ماشية كدا انت يعني اللي هتعدل الكون.

    عمرك حسيت انك عاوز تضرب اي حد بيقول كده بالبوكس في وشه، فاكر ايام المدرسة زمان كانوا زمايلنا البنات دايما يسيبوا الحنفيات مفتوحة، الاغرب من كده انه كان في واحدة منهم تحديدا بتعدي تفتحهم واحدة واحدة وتسبهم كده وتمشي,
    الاولاد ماكنش ليهم في حنفيات الميه، تخصصهم كان المرواح ولمبات النور، في عز الضهر والشمس مالية الفصل وتلاقي كل لمبات الفصل منورة طب دي ممكن نعديها انما في عز الشتا والله بنبقي بنتكتك وتلاقي المراوح شغالة.

    يطلع حد يقولي معلش اصلهم عيال صغيرين ومش فاهمين، هما العيال كده ما يصدقوا يلاقوا حاجة مالهاش صاحب ويلعبوا بيها. ده الكلام اللي كنت بصبر بيه نفسي وقتها بكرة يكبروا ويعقلوا بس المشكلة كبروا واتهطلوا
    اما رحنا اعدادي كانوا الاولاد بيفكوا حنفيات المية وياخدوها، بالنسبة للمبات النور كانوا بينشنوا عليه بالنبل هي وزجاج الشبابيك، اما المراوح بقي فتصميمها مش عاجبهم فقرروا يغيروه بدل جنحات المروحة ماهي مفرودة وبتلف بقت واقفة لفوق بتدعي ربها من ظلم البشر.
    معلش اهم برضه اسمهم عيال بكرة يكبروا ويروحوا ثانوي ويعرفوا ان اللي هما بيخربوه ده ملك عام للدولة يعني ملكهم وبفلوس اهاليهم، بس يظهر انهم بعد ما تهطلوا اتجننوا رسمي وبقي كل الواحد فيهم ما يكبر تزيد رغبته في انه يفسد كل شئ جميل حواليه
    وصلت انهم يكسروا الادراج ويضربوا بيها بعض، او حتي بس يكسروها عشان يشوفوا مين اقو من التاني وفي الاخر ياخدوا الحصة واقفين او قاعدين علي الارض ، البنات بقت بتمشي تقطع في اللوح المتعلقة علي الحيطان وهي بتتحكي مع اصحابها يعني اتنين في واحد بقها بيتكلم وايدها بتقطع.
    لا بقي هو انا هافضل لحد امته اقول بكرة يكبروا، لازم اتكلم معاهم وافهمهم ان دي فلوس ضرايب بيدفعوها اهاليهم.
    وصدق اللي قال من تدخل في ما لايعنيه خد علي قفاه ما لا يرضيه، بس علي مين هرتهم مقالات في الاذاعة لحد صوتي ما اتنبح وبرضه ما فيش فايدة انا مصرة وهم اكثر اصرارا

    في الجامعة قلت ما بداهاش بقي دي ناس كبيرة وفاهمة خلاص باقي لهم زلطة ويشيلوا مسئولية حياتهم بس لقيت الوضع انيل وانيل بعد ما كانوا بيخربوا الفصول والادراج ولمبات النور بقوا بيخربوا عقولهم وصحتهم ما بين السجاير المغمسة والبودرة

    وقتها بقي جت لي لحظة التنوير وقعت اصرخ واتتنطط وجدتها وجدتها .
    هي خربانة من الاساس من الام اللي مبتقولش لابنها عيب وحرام للاب اللي معندوش وقت يصاحب ابنه ويضلل عليه للمدرس والمدرسة اللي نسيوا ان وظيفتهم تربوية زي ماهي تعليمية وبقي كل همهم كملوا كام مجموعة لحد دلوقتي للتليفزيون اللي بطل يعرض برامج الاطفال الهادفة او حتي البرامج الخفيفة المفيدة وبقي كل ماتفتحه ياتلاقي خناقة سياسية مالهاش لازمة او مسلسل غبي اللي عملوه جايين من كوكب تاني مايعرفوش حاجة عننا او لحم رخيص في اغنية تافهة علي لحن متعاد ستين مرة.

    بعد لحظة التنوير دي جت لي حالة من البلاهة وبقيت كل ماشوف حاجة اقول ماليش دعوة انا في حالي.
    انا كتبت الموضوع ده لاني زهقت من كتر ما قلت وانا مالي لو كل واحد النهاردة علم ابنه او اخوه الصغير ان دي بلدنا كلنا ما ينفعش اقول وانا مالي
    بعد 15 او 20 سنة الحال هيبقي غير الحال

    ومعنديش حاجة اقولها غير ربنا يصلح الاحوال

    وحسبي الله ونعم الوكيـــــــــــــــــــــــــــــــــــــــــــــ ــــل

      الوقت/التاريخ الآن هو الجمعة ديسمبر 15, 2017 2:40 pm