منتديات غزل وحنين

أهلا ومرحبا بك


عزيزى الزائر


فى منتديات غزل وحنين
منتديات غزل وحنين

غـــــزل وحـنـيـن


منتديات غـــــزل والــحـنـيـن ترحب بـــكم وتتمنى لكم قضاء أسعد وأجمل الاوقات سعداء بتواجدك العطر معنا




المواضيع الأخيرة

» ديوان حصان فى مرماح
الأحد يونيو 24, 2018 2:08 pm من طرف محمود العياط

» ديوان راشيا الوادي محمود العياط
الخميس مايو 11, 2017 1:38 pm من طرف محمود العياط

»  ديوان لسن لفـأ رقم 29
الخميس فبراير 02, 2017 7:49 am من طرف محمود العياط

» قصيدة مسقط العامرة تضج بالضياء
السبت يوليو 23, 2016 12:59 pm من طرف محمود العياط

» ايجار سيارات استرتش * ليموزين * للزفاف العرائس
الإثنين مارس 23, 2015 6:21 am من طرف رضوى رودى

» • ايجار ليموزين مصر شركة العلا للسياحة .
الإثنين ديسمبر 08, 2014 1:50 am من طرف رضوى رودى

» • أرقام شركات ومكاتب ايجارسيارات بمصر 01008383000
الأربعاء ديسمبر 03, 2014 8:03 am من طرف رضوى رودى

» • مع العلا ليموزين تأجر جميع السيارات بأحدث المودي
الخميس نوفمبر 13, 2014 7:08 am من طرف رضوى رودى

» احدث الموديلات ,ارخص الأسعار العلا لأيجارالسيارات
السبت نوفمبر 01, 2014 4:54 am من طرف رضوى رودى

flag counter

free counters

تبادل اعلانى

منتديات البرنس هيما للبرامج الكامله

    قصيدة مشاهد من الميدان

    شاطر

    البهلول المصري
    عضو جديد
    عضو جديد


    عدد المساهمات : 2
    نقاط : 6
    تاريخ التسجيل : 23/04/2010

    قصيدة مشاهد من الميدان

    مُساهمة من طرف البهلول المصري في الخميس مارس 10, 2011 6:08 am

    1[b] - المشهد الاول

    تجمع الشباب



    في ميدان شهداء الحرية

    انا شوفت بقلبي و عنيا

    اساطير و ملاحم بطولية

    الايد علي الايد بتقويها

    و الحلم بيرسم خطاويها

    و الخالق بيبارك فيها





    2 -المشهد الثاني

    مطالب الشباب

    و رد الشرطة





    دا شباب بينادي سلمية

    و مطالبه عدالة و حرية

    و الشرطة ترد بنار حية

    يغتالوا بيها الحرية

    و شبابنا و لا شئ يمنعهم

    الحق معاهم شجعهم

    لا رصاص و لا غيره يرجعهم

    دا ايمانهم هو اللي جمعهم







    3 - المشهد الثالث

    الوحدة الوطنية





    انا شفت الوحدة الوطنية

    بتهد الفتنة الطائفية

    و بتفضح كدبة نظامية

    عملوها شلة حرامية

    و كنيسة بترن جرسها

    و المسلم واقف يحرسها

    و الشرطة بتسيب اماكنها

    و بيوتنا شبابها بيحرسها





    4 - المشهد الرابع

    دور الاطباء



    في ميدان شهداء الحرية

    انا شوفت بقلبي و عنيا

    عيادات معمولة بحرفية

    و لا فيها علاج و لا ادوية

    بتديرها مهارات طبية

    طالبين الاجر الحرية





    5 - المشهد الخامس

    صور الشهداء





    شهداء و صورهم مرفوعة

    بدماهم دخلوا الموسوعة

    عملولنا كلمة مسموعة

    احلام و مطالب مشروعة





    6 - المشهد السادس

    تجمع راقي



    لا تحرش جنسي و لا جريمة

    و لا لمة علي نجمة سيما

    و الكل متساوى القيمة

    العامل ويا الدكتور

    و سياسي و عالم مشهور

    بيغنوا نفس الترنيمة

    يحميكي يا بلدي يا عظيمة





    7 - المشهد السابع

    سلاح النكتة



    انا شفت شبابنا و خفتهم

    و سلاح النكتة في ثورتهم

    و كأنه قنابل نووية

    مصنوعة بعقول مصرية





    8 - المشهد الثامن

    مظاهر الاحتفالات





    انا شوفت عريس ويا عروسة

    في ميدان الثورة المحروسة

    و النقطة احضان مع بوسة

    و اغاني الثورة المصرية





    9 - المشهد التاسع

    بيان التخلي

    عن السلطة



    و الجيش فرحنا ببيانه

    و نظام و اتهدت اركانه

    و اهو راح الظلم و اعوانه

    و وصلنا لحلم الحرية





    10 - المشهد العاشر

    تجميل الميدان





    في ميدان شهداء الحرية

    انا شوفت بقلبي و عنيا

    دا شباب مولود ع الرفاهية

    و بيكنس و يرش المية

    و بينقل صورة حضارية

    لبلدنا السمرا المصرية
    [/b]

      الوقت/التاريخ الآن هو السبت ديسمبر 15, 2018 5:32 pm